Қазақстан Республикасының мемлекеттік рәміздері күні қарсаңында М. Дулатов атындағы ҚИнЭУ кәсіпкерлік колледжінде Абонементтер бөлімінің қызметкерлері «Менің елімнің рәміздері» атты викторина өткізді.

Іс-шара барысында колледж студенттері мемлекеттік рәміздердің құрылу тарихымен қызығушылықпен танысты. Бөлім қызметкерлері мемлекетіміздің, егемендігіміздің мемлекеттік рәміздерінің мызғымастығы туралы айтып беріп, республиканың мемлекеттік рәміздерінің қалай жасалатыны туралы бейнефильмді көруді, осы тақырып бойынша кітаптарға шолу жасауды ұсынды.

Іс-шара соңында студенттер Қазақстан тарихын терең білетіндерін көрсете отырып Қазақстан Республикасының рәміздерін білуге арналған викторинаға белсене қатысты.