Л. Н. Толстой ат. ҚОӘҒК қызметкері. А. Г. Ахметова Қостанай облыстық тарихи-өлкетану мұражайы екі мәрте Кеңес Одағының Батыры Иван Фомич Павловтың туғанына 100 жыл толуына орай ұйымдастырған «Жер мен көктегі ғұмыр» дөңгелек үстеліне қатысты. А. Г. Ахметова «Богатырь крылатой гвардии» тақырыбына баяндама жасап, «Қостанай облысы: тарих, адамдар, оқиғалар» өлкетану толық мәтінді деректер базасы туралы айтып берді. Онда И.Ф. Павлов туралы электронды түрде ұсынылған құжаттардың толық мәтіндері жинақталған және сақталған. Кітапхананың өлкетану жұмысының басты міндеттерінің бірі – ақпаратты іздеу, жинау және сақтау. Бұл жұмыс біздің батыр жерлесіміз туралы естелікті мәңгі есте сақтауға қызмет етеді, осылайша эстафетаны жастарға, ал олар өз кезегінде уақыттың байланысы үзілмеуі үшін кейінгі ұрпаққа береді.

Бізге тек қана соғыс пен тыл ерлері жайындағы жарқын естеліктерді сақтау, олардың ерліктеріне лайық болуға тырысу ғана қалады.