2 желтоқсанда Өлкетану әдебиеттері бөлімі «Родина подвига – Родине героя» халықаралық еске алу және алғыс айту эстафетасы аясында Минск қ. тұратын әскери ұшқыш-мерген, авиация полковнигі Леонид Леонидович Бедамен онлайн кездесу өткізді. Леонид Леонидович Беда – біздің жерлесіміз, екі мәрте Кеңес Одағының Батыры, авиация генерал-лейтенанты Леонид Беданың ұлы.

Кездесуге авиация подполковнигі Э. Н. Жмакин, Лида аудандық кітапханасының, Ұзынкөл орта мектебінің, Қостанай қ. № 21 орта мектебінің өкілдері қатысты. 

Онлайн кездесу өте қызықты өтті. Аты аңызға айналған әке туралы, өзінің балалық шағы, Ю. Гагарин ат. әскери-әуе академиясында оқыған жылдары туралы, отбасы туралы жылы және шынайы естеліктер кездесуді  ұмытылмастай етті.