Бақшашылыққа деген қызығушылық төмендемей, керісінше жылдан жылға өсіп келеді. Бұл енді жай ғана өнім алу емес, бұл бос уақытты көңіл қалауына сай өткізу, тіпті өмір салты. Бұл орайда белгілі бір агротехникалық мәселені шешу үшін ақпаратты уақытылы алу өте маңызды. Кез келген бақшашы көшеттердің күшті, ауруға төзімді және үлкен өнім бергенін қалайды.

Агрохимияның негізін қалаушылардың бірі, неміс ғалымы Юстус Либих 19 ғасырда: «Ешқандай техникалық қызмет даму үшін ауыл шаруашылығынан гөрі көп білімді қажет етпейді... »,- деген болатын. 

 

Әмбебап оқу залы оқырмандар назарына осы білімді толықтыруға көмектесетін «Бақшадағы байлық» көрме-аңдатпасын ұсынады. Сіздерге ауыл шаруашылығы бойынша жарық көрген мерзімді басылымдармен және кітаптармен танысуды ұсынамыз. Әдебиеттер саяжай тұрғындары үшін де, ауыл шаруашылығы мамандары үшін де пайдалы болуы мүмкін.