«Қасым мұрасы – көркем сөздің қазынасы» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

13.11.2026

13 қараша күні Л. Н. Толстой атындағы Қостанай облыстық әмбебап ғылыми кітапханасында қазақ ақыны әрі аудармашысы, жерлесіміз Қасым Тоғызақовтың шығармашылық мұрасына арналған «Қасым мұрасы – көркем сөздің қазынасы» атты көркемсөз байқауы өтті.
Іс-шараға Қостанай қаласының мектеп оқушылары мен студенттері қатысты. Құрметті қонақ ретінде ақынның ұлы, Қазақстанның еңбек сіңірген қайраткері, актер Ерболат Тоғызақов қатысты. Байқаудың бастамашысы Ақсұлу Бекболатова болды. Сондай-ақ қонақтардың қатарында Ахмет Байтұрсынұлының мұрасын зерттеуші, педагог әрі журналист Ибраһим Ағытайұлы болды.
Байқау екі кезеңнен тұрды. «Жыр жауһары» атты бірінші кезеңде қатысушылар ақынның өлеңдерін мәнерлеп оқыса, екінші кезеңде «Сібір Омар» дастанының мазмұны бойынша қойылған сұрақтарға жауап берді.
Қазылар алқасы қатысушылардың шығарманы мәнерлеп оқу шеберлігін, авторлық идеяны түсіну деңгейін және сахна мәдениетін бағалады. Байқау қорытындысы бойынша жеңімпаздар мен арнайы номинация иегерлері анықталды.
Аталған іс-шара өңірдің мәдени өміріндегі маңызды оқиғалардың біріне айналып, қазақ әдебиетін кеңінен насихаттауға, жерлестеріміздің әдеби мұрасын сақтауға және жас ұрпақты көркем сөз өнерінің бай қазынасымен сусындатуға ықпал етті.
#ЗерделіҰлт #КітапОқитынҰлт #kostanay #kst

Кері қарай