«Әлемді жүрекпен сезіну» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

12.10.2026

9 қазанда Рудный қаласында мүмкіндігі шектеулі жандар арасында жыл сайын өтетін «Әлемді жүрекпен сезіну» атты қалалық көркемөнерпаздар шығармашылығы фестивалі өтті. Бұл фестиваль маңызды әлеуметтік-мәдени оқиғаға айналды.
Фестиваль дәстүрлі түрде мүгедектіктің барлық санаттары кіретін талантты орындаушыларды, соның ішінде көру, есту қабілеті, тірек-қимыл аппараты бұзылған және ақыл-ой ерекшеліктері бар жандардың басын қосады. Қатысушылар өз өнерлерін вокалдық орындау (жеке және ансамбльде ән айту), ым-ишара тілінде ән орындау, хореография, аспаптық шығармаларды орындау және өлең оқу сияқты сан алуан жанрларда көрсетеді. Биыл фестивальге бөлім оқырмандары мен «ДоРеМи» клубының мүшелері қатысып, «Как жить», «Если в сердце живет любовь» атты музыкалық шығармаларды және көпшілікке танымал «Besame mucho» әнін орындады.
Бұл іс-шара мүгедектіктің барлық санаттарына жататын адамдарға қоғамның толыққанды әрі тең құқылы мүшесі екенін сезінуге мүмкіндік береді. Сахна мен көрермен залы арасындағы кез келген кедергілерді жоюға ықпал етеді. Көптеген қатысушылар үшін фестиваль белсенді қоғамдық өмірге жол ашып, әлеуметтік оқшаулануды жеңуге көмектеседі.

Кері қарай