10 тамыз – Абай күніне орай Л. Н. Толстой атындағы Қостанай облыстық әмбебап ғылыми кітапханасы қазақтың ұлы ақыны, ойшылы, ағартушысы әрі композиторы Абай Құнанбайұлының өмірі мен шығармашылығына арналған ашық алаң ұйымдастырды.
Іс-шараға Қостанай облысы мәдениет басқармасы басшысының орынбасары Әбілов Ерлан Жангелдинұлы қатысып, құттықтау сөз сөйледі. Ол Абайдың әдеби және рухани мұрасының маңыздылығын, оның қазақ мәдениетінің дамуына қосқан үлесін және ақынның шығармашылық мұрасын сақтау мен насихаттаудың маңызын атап өтті.
Іс-шара барысында қонақтар мерекенің тарихымен танысып, Абайдың әдеби және философиялық мұрасының маңызы туралы мағлұмат алды. Бағдарлама ақынның «Қара сөздерінен» үзінділер мен өлеңдерін оқумен жалғасты. Ашық микрофон барысында қатысушылар өздерінің сүйікті шығармаларын оқып, Абай шығармашылығына деген өзіндік көзқарастарымен бөлісті.
Абайдың өлеңдеріне жазылған музыкалық шығармалардың орындалуы ерекше атмосфера қалыптастырып, оның поэзиясының қазақтың музыкалық мәдениетімен ажырамас байланысын айқындай түсті. Қатысушылардың ақын шығармаларын әлемнің түрлі тілдерінде таныстыруы да үлкен қызығушылық тудырып, оның шығармашылық мұрасының халықаралық деңгейде мойындалғанының жарқын дәлелі болды.
Ашық алаң Абай шығармашылығын бағалайтын жандардың басын қосып, оның шығармаларымен танысуға, еркін пікір алмасуға және мәдени дәстүрлерді сақтауға бағытталған мазмұнды ортаға айналды.

#АбайКүні
#AbaiDay

#абайкүні10тамыз

#абайкүні