«Семей полигоны: өткеннің мұрасы, болашаққа үміт» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

07.08.2026

Семей ядролық полигонының жабылуының 35 жылдығына орай Л. Н. Толстой атындағы Қостанай облыстық әмбебап ғылыми кітапханасы ТЖМ Мартбек Мамраев атындағы 52859 әскери бөлімінің 2-ші құтқару батальонының әскери қызметшілері үшін «Семей полигоны: өткеннің мұрасы, болашаққа үміт» атты еске алу сағатын өткізді.
Іс-шара барысында қатысушылар Семей ядролық полигонының құрылу тарихымен және жұмысымен танысты, өткізілген сынақтардың ауқымы, олардың қоршаған ортаға және халықтың денсаулығына тигізетін зардаптары, сондай-ақ «Невада-Семей» халықаралық антиядролық қозғалысының қалыптасуы туралы білді.
Полигон тарихына, ядролық сынақтар туралы құпиясыздандырылған материалдарға және куәгерлердің естеліктеріне арналған деректі фильмдер әскери қызметшілердің үлкен қызығушылығын тудырды.
Іс-шара соңында әскери қызметшілер «Миф или реальность» зияткерлік ойындарына және тақырыптық ребустарды шешуге қатысты. Аудиторияның белсенді қатысуы, талқылауға деген қызығушылығы және көтерілген тақырыптарға шынайы ықыласпен үн қатуы ашық әрі еркін пікір алмасу атмосферасын қалыптастырды.

Кері қарай