«Басылым бетінде сақталған соғыс» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

05.05.2026

5 мамырда Л. Н. Толстой атындағы Қостанай облыстық әмбебап ғылыми кітапханасының қызметкерлері «Назарбаев зияткерлік мектептері» дербес білім беру ұйымының «Қостанай қаласының жаратылыстану-математика бағытындағы Назарбаев зияткерлік мектебі» базасында Ұлы Отан соғысына арналған «Басылым бетінде сақталған соғыс» көрме-қарауына шолу жасады.
Іс-шара барысында қатысушылар соғыс жылдарындағы ерлік пен қасіретке толы кезең жайлы баяндайтын басылымдармен танысты. Халықтың ерлігін, табандылығы мен отаншылдығын бейнелейтін деректі әдебиетке, соғысқа қатысушылардың естеліктеріне ерекше назар аударылды.
Шолу оқушыларға Ұлы Отан соғысы оқиғаларының тарихи маңыздылығын тереңірек түсінуге, ұрпақтар арасындағы байланысты сезінуге және Отанын қорғаушылардың ерлігіне құрметпен қарауға мүмкіндік берді. Көрме жастардың тарихи жады мен азаматтық жауапкершілігін қалыптастыруға ықпал ететін отаншылдық тәрбиенің маңызды элементіне айналды.

Кері қарай