Гендерлік теңдік адамның маңызды құқықтарының бірі болып табылады және қоғамда бейбітшілік пен келісімді қамтамасыз ету және тұрақты даму негізінде адам әлеуетін толыққанды іске асыру ісінде шешуші рөл атқарады. Бүгінгі таңда халықаралық қауымдастық гендерлік теңдікті көптеген елдердің саяси бағытын айқындайтын басты көрсеткіштердің бірі деп таныған және тұрақты дамуға қол жеткізудің маңызды шарттарының бірі болып табылады. Адамзат гендерлік теңдікке қол жеткізу және әйелдер мен қыздарға қатысты зорлық-зомбылықты жою үшін ұзақ жолдан өтуі керек, бұл біздің заманымыздың ең маңызды міндеті және барлық елдердің сыртқы және ішкі саясатының басымдығы болып табылады.

Абонементтер бөлімі назарларыңызға «Мыңжылдық тақырыбы – гендерлік теңдік» атты жаңартылған кітап көрмесін ұсынады, көрмеде келесідей басылымдар ұсынылған: Аитов Н. А. «Равенство неравных людей»,  Алдабергенқызы Т. «Әйел – Әлем»,  Весельницкая Е. «Женщина как реальность. Особенности женского интеллекта», «Кто несет ответственность перед женщинами?» «Гендер и ответственность»,Керімбай С. «Өркениетті адам»,Филатова Е.С. «Супружество в системе соционики». Гендерлік теңдік бүкіл әлемде өз ұстанымдарын нығайтуды сенімді түрде жалғастыруда.

Барлығыңызды көрмені көруге шақырамыз.