1 наурызда Өнер туралы әдебиеттер бөлімінің қызметкерлері Қазақстандағы Алғыс айту күніне арналған «Рахмет саған, Ұлы дала елі!» іс-шарасымен Қазақстан Республикасы ІІМ Ш.Қабылбаев ат. Қостанай академиясына барды.

Іс-шара барысында курсанттар осы мерекенің тарихы, дәстүрлері мен әдет-ғұрыптары туралы көптеген жаңа және қызықты мәліметтер алды. «Алғыс айту күні» бейнематериалдарын қарады. Іс-шара соңында курсанттар өздеріне ұсынған шығармашылық тапсырмаға белсенді қатысты: дайындалған стикер-смайликтерге өздері лайықты деп тапқан адамдарға алғыс сөздерін жазды. Шараға қосымша  мереке тарихы баяндалған, халықтардың қоныс аударуы туралы, Қазақстанның қалай көп ұлтты елге айналғаны туралы әңгімелейтін әдебиеттер мен мерзімді басылымдар ұсынылды.