Әмбебап оқу залы «Қазақ фольклоры – бабалардың мәдени мұрасы» онлайн фольклорға саяхатын дайындады.

Қазақ фольклоры – бұл мазмұнының тереңдігімен, көркем сөздің шеберлігімен ерекшеленетін, жастар үшін тәрбиелік маңызы өте зор халық шығармашылығы.

Елдің тәуелсіздігі нығайған соңғы жылдары бабаларымыздың мұрасын сақтау көбірек айтыла бастады және өскелең ұрпақтың құлағына құйыла бастады. Бұл бағыттағы ізгі жұмыстар «Мәдени мұра» және «Рухани жаңғыру» мемлекеттік бағдарламалары аясында жүзеге асырылып келеді.

Шараға қазақтың белгілі жазушысы, ақын, көсемсөзші, драматург, аудармашы, журналист А. Қ. Шаяхмет қатысты.

Шара барысында қазақ фольклорының түрлі жанрлары бойынша бейнероликтер көрсетіліп отырылды. Оқырмандар назарына инновациялық басылымдар мен электронды тасығыштардағы басылымдар ұсынылды.

Қарау үшін сілтеме бойынша өтіңіздер: https://www.youtube.com/watch?v=CmWuFHuUjkM