Әлеуметтік желілердегі республикалық «Қоғамдық дәріс» платформасында танымал тұлғалардың, қоғам қайраткерлерінің, өз ісінің шеберлерінің қатысуымен дәрістер өтуде.  Мысалы, 29 қаңтарда біздің қаламызда алғаш рет атақты ақын, филология ғылымдарының кандидаты, Арқалық МПИ доценті, филология факультетінің деканы Айбек Қалиевпен кездесу болды. Айбек Киікбайұлы көптеген республикалық айтыстардың жеңімпазы, 2015 ж. «Алтын домбыра» сыйлығының иегері, М.Дулатов ат. әдеби-шығармашылық бірлестігінің жетекшісі, бірнеше кітаптың авторы.  Кездесудің тақырыбы –  «Қазіргі кездегі жастар мәселесі». Дәріскер өзінің жастармен жұмыс істеп жүргеніне бақытты екендігін жеткізіп, өзін толғандырып жүрген ойларын ортаға салды, қаланың ЖОО студенттері қойған көптеген сұрақтарға жауап берді. Екі ұрпақ өкілінің әңгімесі мазмұнды және жемісті болды. 

 https://www.facebook.com/PublicLecture/?fref=ts