13 қарашада кітапхананың қонақжайында Өлкетану әдебиеттері бөлімінің әдеби-ақпараттық секторы композитор А. Н. Пахмутованың 90 жылдығына арналған «Ең бастысы жүректерің жас болсын» атты музыкалық-поэтикалық кеш өткізді.

Александра Николаевна Пахмутова – эстрадалық музыканың тұтас бір дәуірі, композитор, пианиношы, 400 астам әннің авторы, қоғам қайраткері. Социалистік Еңбек Ері, КСРО халық әртісі, КСРО мемлекеттік сыйлығының екі дүркін, РФмемлекеттік сыйлығының және Ленин комсомолы сыйлығының лауреаты. Екі Ленин орденінің кавалері. Ақын-әнші Николай Николаевич Добронравовтың жұбайы және тұрақты серіктес авторы.

Шараға келген студенттер мен мектеп оқушылары, сондай-ақ шығармашылық қауым өкілдері А. Н. Пахмутованың өмірі мен шығармашылығынан қызықты деректер естіді, қостанайлық музыканттардың орындауындағы оның әндерін тыңдады және музыкалық викторинаға қатысты.