Н. Назарбаевтың «Ұлы даланың жеті қыры» бағдарламасы аясында Абонементтер бөлімінде ақын, жазушы, аудармашы, педагог және журналист Ілияс Жансүгірұлының туғанына 125 жыл толуына арналған «Ұлы дала тұлғалары» жеке көрмесі ашылды.

Көрмеде автордың «Құқ», «Жолдастар» шығармаларымен, оның өлеңдерімен, дастандарымен, романдарымен және әңгімелерімен және фельетондарымен танысуға болады. Көрмеде қазақ поэзиясының маржаны саналатын, ХІХ ғасырдағы атақты ақынның және оның атағы қазаққа танымал болған тұлпары Құлагердің қасіретті тағдырына арналған «Құлагер» дастанына ерекше көңіл бөлінген. Сондай-ақ көрмеде әріптестерінің жерлесіміздің шығармашылық жұмысы жайындағы әдебиеттер мен естеліктері қойылған.

Барлық тілек білдірушілерді өзгеге ұқсамайтын ақын әрі жазушының шығармашылығымен танысуға шақырамыз.