12 наурызда әмбебап оқу залының қызметкерлері Кеңес әскерінің Ауғанстаннан шығарылғанына 30 жыл толуына арналған «Ауғанстан – жүректегі жара» кешін өткізді.

Кешке келгендер соғыс туралы, интернационалдық парызын орындау барысында Кеңес Одағының Батыры атағын иеленген ауғандық жауынгерлер туралы әңгіме тыңдады. Шараға қатысқан «Дарын» мектебінің оқушылары өлең оқып, «Көңіл толқыны» күйін орындады. Шара барысында «Борис Керімбаев. Паншер патшасы» деректі фильмі көрсетілді.

Кешке арнап безендірілген «Ауғанстан – жазылмайтын жара» кітап көрмесінен қонақтар ауған соғысының тарихымен және ардагерлердің естеліктерімен, сол кездегі құжатты деректермен, публицистикалық мақалалармен және шынайы оқиғаларға негізделіп жазылған көркем шығармалармен танысты.