Л. Н. Толстой ат. ОӘҒК қонақжайында жазушы Ф. А. Искандердің 90 жылдығына арналған «Фазилдің өмірлік философиясы» атты безендірілмелі кітап көрмесі ұйымдастырылды.

1929 жылы Сухумиде дүниеге келген жазушы 1916 жылдың шілдесінде танымал, көп оқылатын автор ретінде, алайда өзіне деген кекесінді кетірмей және айтқысы келгеннің барлығын айтып өмірден өтті. Ол өзі айта беретін «ар-ұжданға бағынған ақыл» дейтін кемеңгерліктің толық иесі болды. Жазушының ең маңызды шығармасы жекелеген новеллалардан тұратын және абхаздың Чегем атты шағын ауылы жайында баяндайтын «Сандро из Чегема» роман-эпопеясы болды. Бұл романда барлығы бар: көңілді, күлкілі оқиға да, қайғылы және қатал мінездер де, сыршылдық пен күрделі адамгершілік-философиялық мәселелер де бар, ең бастысы – шығарма басынан аяғына дейін автордың туған жеріне және  сол жерде өмір сүріп жатқан адамдарға деген махаббатына тұнып тұр. 

Бұл романнан басқа көрмеге Ф. А. Искандердің «Дерево детства», «Праздник ожидания праздника», «Кролики и удавы», «Стоянка человека», «Время счастливых находок», «Школьный вальс» секілді танымал кітаптары, өлеңдер жинағы, сондай-ақ оның шығармашылығына арналған мақалалар қойылған.

Барлық тілек білдірушілерді осы бір тамаша тұлғамен танысуға шақырамыз.