Әмбебап оқу залында наурыз айы бойы әйелдерге арналған мерекелік көрме жұмыс істейді. Мемлекет басшысы әйелдердің отбасының тірегі екендігін, яғни мемлекеттің де тірегі екендігін ерекше атап өткен болатын.  

Көрмеге өзгеге үлгі болар қазақстандық әйелдердің жетістіктері жайындағы – нәзіктігі мен назы, қылығы мен қаһары қатар жүретін әйелдердің тарихта қалған ұлы ерліктерінің үлгілері туралы материалдар қойылған.

«Әйгілі әйелдер галереясы» деп аталатын бірінші бөлімде түрлі кезеңнің есімі әлемге әйгілі болған әйелдердің өмірі мен қызметі және шығармашылығы жайында жазылған басылымдар қойылған. Бұл бөлімнің кейіпкерлері – тарихта елеулі із қалдырған әйелдер. Ол үшін олар өздерінің ең жақсы қасиеттерін – ақылын, күш-қуатын, ерік-жігерін, дарыны мен әйелдік әдемілігін пайдаланды. Олардың ішінде мемлекет қайраткерлері, жазушылар, әртістер, аналар да бар.