15 қарашада теңге өзінің туған күнін атап өтеді. Қолданысқа енгізілгеннен бергі кезеңде қазақстандық валюта толыққанды ұлттық ақша бірлігі ретінде қалыптасып үлгерді, ақшаның негізгі міндеттерін: бағаның көлемін, төлем құралы, жинақтау және айналым міндеттерін жемісті орындады. Ұлттық валютаның өзінің таңбасы бар (〒).

Қазақстанның 1993 жылы өзінің ұлттық валютасының пайда болуы үшін қыруар күш жұмсалды. Теңгенің енгізілуіне КСРО-ның тарап кеткеніне екі жылға жуық уақыт өтсе де бұрынғысынша кеңестік рубльдің аумағында отырған елдің өмірінде орын алған ауыр кезең себеп болды.

1992 жылдың көктемінде аса құпия жағдайда ұлттық валютаны енгізудің жолдарын қарастырумен және дайындаумен айналысқан мемлекеттік комиссия құрылды. Президент пен Үкіметтің батыл шешімінің нәтижесінде Қазақстан Республикасының ұлттық валютасы – теңге сәтті енгізілді.