20 тамыз бен 16 қыркүйек аралығындаӘмбебап оқу залында Қазақстан Республикасының Конституциясы күніне арналған «Конституция – елдің негізгі заңы» кітап көрмесі жұмыс істейді. 

Қазақстан Республикасының Конституциясы – мемлекетіміздің дамуының және гүлденуінің кепілі. Еліміздің негізгі заңы 1995 жылдың 30 тамызында бекітілді.

Көрменің мақсаты –ҚР Конституциясына, мемлекеттік рәміздерге, азаматтардың құқықтары мен міндеттеріне құрметпен қарауды тәрбиелеу, отаншылдық және белсенді азаматтық ұстаным сезімдерін қалыптастыру. 

Көрмеге қазақ мемлекетінің құрылуы жайындағы материалдар, Қазақстанның тарихы мен конституциялық құқықтың дамуы бойынша анықтамалық басылымдар, конституциялық заңдар, сондай-ақ Қазақстан Республикасында Конституцияның құрылуы жайындағы қазақстандық ғалымдардың еңбектері қойылған.