Дейл Карнегидің қолыңыздағы кітабы – адам болмысының ішкі қайшылықтары мен сан қилы күйзелістерін зерттеп, көңілдегі алаңнан құтылудың жолын іздеген автордың көпжылғы еңбегі.

Автор бойдағы үрей, сенімсіздік, қорқыныш сынды кертартпа қасиеттерден арылып, көңілдегі алаңды жеңуге адамның ерік-жігері де, қабілеті де жететінін өмірдегі шынайы оқиғалардан мысалдар келтіру арқылы айшықты түсіндіреді.

Бұл еңбек тұңғыш рет қазақ тіліне аударылып, оқырмандарға жол тартты. Адам және оның ішкі әлемі қашанда аса маңызды болғандықтан, Дейл Карнегидің кеңестерімен танысқан жер шарының миллиондаған тұрғыны өз өмірін өзгертіп, бақытты болудың формуласын тапты. Қазақ оқырмандарын да алаңдатқан мәселелерді жан-жақты саралап, шешім табуына септігін тигізетініне сенімдіміз.

Кітап көпшілік оқырманға арналады.