«Болашақ адамдардың екі түріне: ойшылдар мен еңбеккерлерге тиесілі»,- деген болатын Виктор Гюго. Бұл сөз өзінің өзектілігін ешқашан жоғалтқан емес, оның үстіне 2012 жылы Қазақстан Республикасының Президенті Н.Назарбаевтың нақты жобалары көрсетілген «Қазақстанның әлеуметтік жаңғыртылуы: жалпыға ортақ еңбек қоғамына қарай 20 қадам» мақаласын жариялағаны баршаға аян.

«Еңбек адамы» шаралар циклі аясында облыс әкімі мен меценаттар клубы сыйлығының лауреаты, «Қостанай облысы жастарының алтын кітабының» лауреаты, өңірлік «Костанайские новости» газетінің белгілі журналисі Ирина Геннадьевна  Гудовамен кездесу болып өтті. Кездесу барысында шараның басты қонағы журналист мамандығы туралы, облыс халқының қызғушылығын тудырған «Возвращенные имена», «Великолепная семерка», «Треугольник памяти», «Книга судеб», «Жизнь на ладони» жобалары жайында айтып берді және өзінің алдына қойған жоспарларымен бөлісті.