Экскурсия | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

18.07.2025

18 шілде күні Л. Н. Толстой атындағы Қостанай облыстық ғылыми әмбебап кітапханасында «Айгерим-Ай» жеке меншік мектебінің оқушыларына арналған таныстыру экскурсиясы өтті.
Экскурсия барысында оқушылар кітапхананың мүмкіндіктерімен, бай кітап қоры мен әртүрлі ресурстарымен танысты, мұндағы кітаптар мен мерзімді басылымдар туралы мағлұмат алды.
Балалар әдебиеті ерекше қызығушылық тудырды: түрлі-түсті суретті кітаптар, энциклопедиялар мен танымдық басылымдар жас қонақтарды бірден баурап алды. Сондай-ақ кітапханада қолжетімді үстел ойындары да олардың назарын аударды.
Экскурсия балаларға көптеген жағымды эмоциялар сыйлап, кітап әлемінің ерекше атмосферасын сезінуге мүмкіндік берді. Кездесу соңында оқушылар өз әсерлерімен бөлісіп, кітапханаға келген сапарларының өте қызықты өткенін атап өтті.

@Aigerimai_kst
@Aigerimai_camp

Кері қарай