Брэдбери «451° по Фаренгейту» романын 1953 жылы жазды. Шығарма әлемдік әдебиеттегі ғылыми-фантастикалық антиутопияның жарқын мысалдарының бірі болып табылады. Эпиграфтағы атауды Брэдберидің өзі түсіндіріп береді: «Фаренгейт бойынша 451 градус» –  бұл қағаз тұтанатын және жанатын температура. Автор индустриалды кезеңнен кейінгі қоғамның дамуының көңілсіз келешегін суреттейді: бұл барлық жазбаша басылымдарды өрт сөндірушілердің арнайы тобы аяусыз жойып жіберетін болашақ әлемі, кітаптарды сақтау заң бойынша қудаланады, интерактивті теледидар барлығын бірдей алдауды сәтті жүзеге асырады, жазалаушы психиатрия сирек те болса кездесіп қалатын өзгеше ойлаушыларды сабасына түсіреді, ал электр төбеттер түзелмейтін билеуші топтың идеологиясына қарсыларды аулауға шығады. Бұл роман өзінің иесіне әлемдік даңқ әкелді.