Кітапхананың жиналыс залында әнші, халық әртісі Ришат Абдуллиннің шығармашылығы бойынша «Я дарю вам музыку» атты бейнекездесу өтті.

Егіздер Ришат және Мүсілім Абдуллиндер 1916 жылы 14 наурызда Шығыс Қазақстанда Өскемен қаласында дүниеге келген. Олардың тағдырындағы ұқсастықтар жетерлік. Екеуінің де музыкалық дарындары ерте байқалды: табиғат оларға ерекше қабілет пен дауысты тарту етті.

Ришат Абдуллин Абай партиясының алғашқы орындаушысы ретінде Қазақстанның музыкалық мәдениет тарихында мәңгі қалды. Ағайынды Абдуллиндер 1948 жылы қазақ өнерінің онкүндігінде осы операмен Қазақстан өнерін жұртшылыққа ұсынды.

Кездесуге қатысушылар «Братья Абдуллины» деректі фильмінен әншілердің өмірі мен шығармашылығы туралы егжей-тегжейлі біліп, әртістердің орындауындағы «Люблю тебя, мой край родной», «Ана тұралы жыр» музыкалық шығармаларын тыңдады.