Әмбебап оқу залы Қазақстан Республикасының ұлттық валютасын енгізудің 30 жылдығына арналған «Ұлттық валюта Қазақстан тәуелсіздігінің белгісі» кітап көрмесіне бейнежазба дайындады. Көрмеде еліміздің ұлттық валютасының қалыптасуына, ақша қатынастары мен қаржы реформаларының дамуына арналған кітаптар, мерзімді басылымдардан алынған жарияланымдар қойылған.

Нумизматтар үшін ежелгі тиындар коллекциясы жинақталған «Әзірет Сұлтан» мемлекеттік тарихи-мәдени мұражайының «Тиындар» кітабы қызықты болып табылады.

Жас оқырмандар үшін Ольга Огайдың «Теңгенің тарихы» атты түрлі түсті безендірілген кітабы ұсынылған, онда теңге тарихына қызықты саяхат жасау ұсынылады. 

Қарау үшін сілтеме бойынша өтіңіздер: https://www.youtube.com/watch?v=03vVse3Fwyc