Құрметті оқырмандар! 2023 жылы жыл сайынғы «Бір ел – бір кітап» республикалық акциясы Қазақстанда жалпыға бірдей оқу үшін жазушы, Қазақстан Республикасы мемлекеттік сыйлығының лауреаты, Қазақстан Республикасының еңбек сіңірген қайраткері Төлен Әбдіктің шығармашылық мұрасын ұсынады.

Абонементтер бөлімі акцияға арналған «Тіл өнерін төріне ту қылып ілген тұлға» атты кітап көрмесін безендірді. Көрмеге автордың қазақ және орыс тілдеріндегі кітаптары, мерзімді басылымдардан алынған мақалалар қойылған. Олардың ішінде «Ақиқат», «Истина», Қ. Құсанбек «Өмір-өзен», А. Аханбайқызы «Оқырман күткен әңгіме», «Моих степей полынная звезда» қазақ әдебиетінің антологиясы бар.

Көрмеде көрсетілген QR-кодтардың көмегімен деректі фильмдерді, Төлен Әбдікпен сұхбат-әңгімелерді, автордың шығармалары бойынша қойылған спектакльдерді көруге болады.

Кітап көрмесі жыл бойы жұмыс істейтін болады.