30 наурызда әдеби қонақжайда Л. Н. Толстой ат. ОӘҒК қолдау көрсетуімен алғаш рет жас ақындардың «Дәстүрді дәріптеушілер» атты семинары өткізілді. Семинарға «Крылья» жастар әдеби бірлестігінің мүшелері қатысты, олардың ішінде облыстық әдеби байқауларда өздерін көрсетіп үлгерген және тіпті олардың жеңімпаздары болған Елена Коршун, Александра Лыксова, Иван Жуковтар бар. Қатысушылар арасында жұрт алдына алғаш шыққан Анастасия Барч, Анастасия Загарских және рудныйлық Алексей Чайковский болды. Семинарды белгілі жазушы және педагог Александра Ильинична Суслова және Өлкетану әдебиеттері бөлімінің әдеби-ақпараттық секторының меңгерушісі, жазушы Алексей Олексюк жүргізді. Шара басында семинарға келгендерді «Крылья» жастар студиясының жетекшісі Татьяна Тихомирова құттықтап сөз сөйледі. Сондай-ақ семинарға «Ковчег» әдеби бірлестігінің өкілдері қатысып, қатысушылардың жұмыстарын талқылауға белсенді атсалысты. Жұмыстарды талқылау шамамен үш сағатқа созылды, бірақ қатысушылардың пікірінше, бұл уақыт та  ұсынылған шығармаларды толық талдау үшін жеткіліксіз болды. Ақындар мен жазушылардың әрқайсысы барлық қатысушылар лайықты бағасын берген өз жұмыстарын іріктеді. Сондай-ақ семинар аясында Иван Данилов атындағы байқау өтті. Орындар келесідей бөлінді: 1 орын – Александра Лыкова, 2 орын – Елена Коршун, 3 орын – Иван Жуков. Барлық жеңімпаздар мен қатысушылар дипломдар мен естелік сыйлықтарға ие болды.