2018 ж. 30 мамыры күні өнер туралы әдебиеттер бөлімінде жас суретшілердің – А.Никифоров ат. Қостанай балалар сурет мектебі оқушыларының жұмыстары көрмесінің ашылуы болды. «Түрлі түсті палитра» деп аталған экспозицияға мектеп оқытушылары Светлана Шалунова, Нина Олексюк, Елена Васильева, Дмитрий Шалунов, Анастасия Кабановская шәкірттерінің жұмыстары қойылды.
Бұл жас суретшілердің кітапхана қабырғасында өздерінің шығармашылықтарын жұртшылыққа ұсынуы бірінші рет емес. Жас талаптардың туындылары қашанда тұрғындардың таңданысын тудырып, ризашылықтарына бөленіп келеді. Себебі балалардың жұмыстары табиғилығымен, түстер мен композицияны таңдаудағы еркіндіктерімен ерекшеленеді.
Көрмеге түрлі техникамен – графика, майлы бояумен салынған кескіндеме, сәндік маска, аралас техника және тағы басқа көптеген тәсілмен орындалған 60 астам жұмыс қойылған.