Ақпан айының  28 күні  «Ақ қауырсын» клубының кезекті отырысы болып өтті. Бұл отырысқа әтдетегідей, қаламыздағы ЖОО мен колледж студенттерінің арасында қалам ұстап жүрген ақ қауырсын мүшелері мен «Қостанай таңы» газетінің  тілшілері де қатысқан болатын. Әр отырысқа  жаңа қатысушылардың да келуі қуантады, бүгінде клубтың мүшелерінің саны артуда. Нұрболат Мешітбаев жас ақындарға өлең құрудың мәнділігін, көркемдігін, айта отырып, жас ақындарды толғандырған  сұрақтарға жауап берді. Жас ақындар өлеңдерін оқып, пікірлер айтылды.   Нысанбаева Тоғжан, Қасым Нұрсұлтан, Мұратбеков Алмас,  Махаббат Жарбосын, Ақбаба Нарияның өлеңдері жоғары бағаланды. «Ақ қауырсын» мүшелері, Жандос Жүсіпбековтің поэзияға қатысты қойылған бірнеше сұрақтарына жауап бере отырып, пікірлермен алмасты.  Келесі отырыста «Қыз бен жігіт» тақырыбы бойынша хат үлгісіндегі өлеңдер шығарылып келу тапсырылды.