Қаламен танысу мақсатында кітапханамызға Ренна қ. интернационалдық кеңсенің басшысы Седрик Проадек келді.  Проадек мырза қаламызға А.Байтұрсынов ат. ҚМУ дәріс оқу үшін келді. Әріптестерімен және кітапхананың пайдаланушыларымен әңгімелесу барысында ол жергілікті тұрғындардың француз және ағылшын тілдерін жақсы білетіндерін, қонақжайлығы мен дос пейілдігін, экскурсия өткізу барысында ақпараттан хабардар екендігімен және біліктілігімен ерекшеленетіндерін атап өтті. Кітапханамен танысу кезінде қонақ қарсы алушыларға алғысын білдіріп, көргендері мен алған әсерлерін ортаға салды және келесі келгенде француз тіліндегі кітапты сыйға тартқысы келетінін жеткізді.

Мұндай сапарлардың Қазақстан мен Франция халықтарының арасындағы мәдени байланысты және өзара түсіністікті дамытуға тигізетін әсерінің мол екендігі даусыз.