2026 жылғы 12 қарашада Л. Н. Толстой атындағы Қостанай облыстық әмбебап ғылыми кітапханасында әдістемелік кеңестің отырысы өтті. Отырыс барысында кітапхана қызметінің өзекті мәселелері қарастырылды.
Негізгі назар Қостанай облысы кітапханаларының ай сайынғы есептілігін қалыптастыру мен ұсынуға қойылатын жаңа талаптарға, кітапхана қорларының сақталуын қамтамасыз етуге, олардың салалық құрамына және өзектілігіне, жергілікті авторлармен жасалған шарттарға өзгерістер мен толықтырулар енгізуге, сондай-ақ кітапхананың Instagram аккаунтын талдауға және әлеуметтік желілерде кітапхана қызметін ілгерілету тиімділігін арттыруға аударылды.
Отырыс барысында аталған мәселелер бойынша пікір алмасу жүргізіліп, алдағы жұмыстың негізгі бағыттары айқындалды.