4 қарашада Л. Н. Толстой атындағы ҚОӘҒК қонақжайында орыстың ұлы жазушысы Федор Михайлович Достоевскийдің туғанына 205 жыл толуына орайластырылған «Бейсаналыққа саяхат» атты кітап көрмесі безендірілді.
Көрменің атауы жазушының адам жанының тереңіне үңілуге, адам табиғатының қайшылықтарын ашуға, ауыр күйзелістерді, іс-әрекеттің себептерін және кейіпкерлердің ішкі күрестерін зерттеуге деген ұмтылысын көрсетеді.
Көрме келушілерді Ф. М. Достоевскийдің ең танымал шығармаларымен таныстырады, олардың арасында «Преступление и наказание», «Идиот», «Братья Карамазовы», «Бесы», «Игрок» және басқалары бар. Жазушының өмірі мен шығармашылығына, оның көркемдік шеберлігі мен философиялық көзқарастарына арналған әдеби зерттеулер ерекше орын алады.
Кітап көрмесі оқырмандарды Федор Михайлович Достоевскийдің өшпес шығармаларын қайта оқып шығуға, адам өмірінің күрделі мәселелері туралы ойлануға және әр ұрпақтың оқырмандарын толғандыратын және шабыттандыратын жазушының әдеби мұрасының жаңа қырларын ашуға шақырады.