Кітапханамызда өнерді, талантты, педагогикалық шеберлікті және сұлулыққа деген сүйіспеншілікті тоғыстырған «Жастық шақ. Шығармашылық. Шабыт» атты көрменің ашылу салтанаты өтті.
Кітапхана үшін бұл оқиғаның маңызы ерекше. Біз көп жылдан бері Балалар көркемсурет мектебімен тығыз әрі жемісті жұмыс істеп келеміз. Осы уақыт ішінде кітапхана бірнеше рет жас суретшілермен шығармашылық кездесулер өткізетін маңызды алаңға айналды. Бұл жерде мектеп оқушылары туындыларының көрмелері ұйымдастырылып, оқырмандарымыз ашық түстерге, батыл идеялар мен шабытқа толы олардың ғажайып шығармашылық әлемімен әрдайым шынайы қызығушылықпен танысты.
«Жастық шақ. Шығармашылық. Шабыт» көрмесі – бейнелеу өнерінің әлемімен жақынырақ танысудың, авторлардың өзіндік қолтаңбасын көрудің, олардың туындыларына арқау болған көңіл күй мен сезімдерді тереңірек сезінудің тамаша мүмкіндігі.
Кітапханамыздың өнерге құштар жандарды біріктіріп, шығармашылыққа, шабытқа және мәдени қарым-қатынасқа жол ашатын кеңістік қалыптастыруды жалғастырып келе жатқанына шын жүректен қуаныштымыз!
Баршаңызды көрмені тамашалап, бізбен бірге өнердің сұлулығынан ләззат алуға шақырамыз!