14 қазанда Л. Н. Толстой атындағы Қостанай облыстық әмбебап ғылыми кітапханасында Қазақстан Республикасының жаңа Конституциясына арналған «Біздің өміріміздегі заң» атты тақырыптық әңгіме өтті.
Спикер ретінде Қостанай қалалық прокуратурасының өкілі – аға прокурор Ахметқалиев Бақтияр Ерікұлы сөз сөйледі.
Іс-шара барысында қатысушылар мемлекеттің негізгі заңының маңыздылығын, оның негізгі ережелерін, азаматтардың құқықтары мен бостандықтарының кепілдіктерін, сондай-ақ оларды қорғау тетіктерін талқылады. Спикерлер заңнаманы сақтаудың, құқықтық жауапкершіліктің маңыздылығына және қоғамдағы тұрақтылықты қамтамасыз етудегі құқықтық тәртіптің рөліне ерекше назар аударды.
Кездесу ашық диалог форматында өтті. Бұл қатысушыларға өздерін толғандырған сұрақтарын қойып, прокуратура өкілдерінен жан-жақты әрі нақты жауаптар алуға мүмкіндік берді.
Іс-шара қатысушылардың құқықтық сауаттылығын арттыруға, азаматтық жауапкершілікті қалыптастыруға және Конституцияның әрбір адамның өміріндегі маңызын түсінуге ықпал етті.