13 қазанда Л. Н. Толстой атындағы кітапхананың жиналыс залында «Көзайым» театрының «Я и Ты» атты театрландырылған қойылымы өтті. Сахна төрінде арнайы бөлімнің көзі көрмейтін және нашар көретін оқырмандары – әуесқой әртістер өнер көрсетті. Олар өздерінің шығармашылық шеберлігін, әртістік қабілеттерін және театр өнеріне деген шынайы сүйіспеншілігін паш етті.
«Я и Ты» театрландырылған қойылымы – ата-аналардың ер жеткен балаларының тағдырын өздері шешуге ұмтылуы, болашақ қалыңдық пен күйеу жігіттің бір-біріне талап қоюы және жеңгетайдың «тауарын» жарнамалауы туралы қызықты оқиға. Қойылымда Оксана Одинцова, Амеля Глазун, Александр Норвайша, Еркін Амангелдин, Елена Плищук, сондай-ақ театрдың көркемдік жетекшісі әрі қойылым режиссері Юлия Липская өнер көрсетті. Жеңгетайдың қатысуымен өткен, тәтті төрт бәлішпен және сәтсіз кездесу болған оқиға жаңа үміткерлерді іріктеумен аяқталды.
Қойылым жылы әрі шынайы көңіл күйде өтіп, көрермендердің үлкен қызығушылығын тудырды. Қонақтар сахнада болып жатқан оқиғаларды зор ықыласпен тамашалап, әртістерге қол соғып, қошемет көрсетіп отырды, олардың таланты мен батылдығына тәнті болды. Спектакль көрермендердің ешқайсысын бейжай қалдырмады. Ал актерлер үшін бұл қойылымға қатысу өз қабілеттерін шыңдап, шығармашылық мүмкіндіктерін ашуға және өздерін нағыз әртіс ретінде сезінуге тамаша мүмкіндік болды.