9 қазанда Л. Н. Толстой атындағы Қостанай облыстық әмбебап ғылыми кітапханасының өлкетану әдебиеттері бөлімінің қызметкерлері драматург, прозашы және ақын Евгений Львович Шварцтың туғанына 130 жыл толуына орай «Қарапайым ғажайып» атты пікірталас кешін өткізді.
Е. Л. Шварцтың шығармалары тек балаларға ғана емес, ересектерге де арналған. Олар оқырманды жақсылық пен жамандық, махаббат пен әділдік сияқты мәңгілік құндылықтар туралы ойлануға жетелейді.
Іс-шара барысында қатысушылар автордың өмірбаянымен, сондай-ақ оның шығармаларында көтерілетін адамгершілік және философиялық мәселелермен танысты. Шығармаларында қиял-ғажайып элементтері мен өмірдің шынайы көріністері үйлесімді ұштасып, ғажайып құбылыстар күнделікті тіршілікпен қатар өрілетін авторлық стильдің өзіндік ерекшелігіне ерекше назар аударылды.
Кеш жазушының пьесалары бойынша түсірілген әйгілі фильмдерден үзінділер көрсетумен және оларды талқылаумен аяқталды. Іс-шара қатысушыларға ерекше әсер қалдырып, оларды кез келген жағдайда сүйе білу, жанашырлық таныту және өз болмысына адал болып қалу қабілеті туралы ойлануға және пікір алмасуға жетеледі.