12 маусымда кітапхананың жиналыс залында «Встреча друзей» музыкалық клубының «Лето, ах, лето!» атты есеп беру концерті өтті.
Іс-шара әсем музыка мен әдемі көңілдің мерекесіне айналды. Бағдарламада жаз мезгіліне арналған әртүрлі жылдардағы әндер шырқалды. Таныс әуендер жылылық пен жеңіл сағынышқа толы атмосфера қалыптастырды.
Клубтың қатысушылары шығармашылық жетістіктерін, вокалдық шеберліктерін және музыкаға деген сүйіспеншіліктерін көрсетті. Әрбір өнер көрсету көрермендердің шынайы қошеметіне ие болды.
Қатысушылар мен қонақтарды біріктіре білген концерт шығармашылық маусымның жарқын қорытындысы болды. Өнерпаздар мен көрермендерге іс-шарамызға қатысқандары үшін алғыс білдіреміз және келесі маусымда жаңа кездесулерді асыға күтеміз!