Халықаралық қоршаған ортаны қорғау күні қарсаңында Л. Н. Толстой атындағы Қостанай облыстық әмбебап ғылыми кітапханасының қызметкерлері кітапхананың іргелес аумағында «Мөлдір бұлақ» экологиялық акциясын өткізді.
Акция барысында аумақты тазалау және абаттандыру жұмыстары жүргізіліп, қоршаған ортаның тазалығын сақтау мен оған ұқыпты қарауды насихаттауға бағытталған іс-шаралар жүзеге асырылды. Мұндай іс-шаралар экологиялық мәдениетті қалыптастыруға, табиғи ресурстарды сақтауға деген жауапкершілікті арттыруға және жайлы қалалық ортаны қалыптастыруға ықпал етеді.
Табиғатқа қамқорлық әрқайсымыздан басталады!