Қазақстан Республикасының мемлекеттік рәміздері күніне орай кітапхана қызметкерлері ТЖМ Мартбек Мамраев атындағы 52859 әскери бөлімінің 2-ші құтқару батальонының әскери қызметшілері үшін «Мемлекеттік рәміздер – еліміздің негізі» атты танымдық викторина өткізді.
Іс-шара барысында қатысушылар мемлекеттік рәміздердің пайда болу тарихымен танысты, олардың жасалуы мен маңызы туралы қызықты фактілерді білді. Мемлекет рәміздерінің жасалу тарихы туралы баяндайтын деректі фильм әскери қызметшілердің үлкен қызығушылығын тудырды.
Іс-шара соңында әскери қызметшілер зияткерлік викторинаға және тақырыптық ребустарды шешуге қатысты. Тапсырмалар қатысушыларға мемлекеттік рәміздер туралы білімдерін тексеруге мүмкіндік берді. Қатысушылардың белсенді қатысуы мен жоғары қызығушылығы қызу әңгіме мен танымдық ізденіс атмосферасын қалыптастырды.