5 мамырда, Отан қорғаушы күні қарсаңында Л. Н. Толстой атындағы Қостанай облыстық әмбебап ғылыми кітапханасының қызметкерлері Қостанай автомобиль көлігі колледжінде «Отанды қорғайтын ұландар» атты ерлік сабағын өткізді.
Іс-шара барысында студенттер Қазақстан Республикасы Қарулы Күштерінің құрылу тарихымен үлкен қызығушылықпен танысты. Бейнероликтерді көру оларға Қазақстан армиясының қалыптасуы мен дамуының негізгі кезеңдерін білуге, оның ел қауіпсіздігін қамтамасыз етудегі маңызын тереңірек түсінуге мүмкіндік берді.
Соңында қатысушылар қызықты жарыстар мен ойындарға белсенді қатыса отырып өздерінің күш-қуатын, ептілігін және командалық рухын көрсетті.