«Таза Қазақстан» тұжырымдамасын іске асыру аясында Төтенше жағдайлар министрлігінің Мартбек Мамраев атындағы 52859 әскери бөлімінің 2-ші құтқару батальонының әскери қызметшілері үшін «Жоғалып бара жатқан сұлулық» атты бейнеэкскурсия өткізілді.
Қатысушылар еліміздің түрлі өңірі бойынша виртуалды саяхатқа шықты, онда тамаша табиғи қорықтарды және флора мен фаунаның сирек өкілдерінің деректі кадрларын көруге мүмкіндік алды. Іс-шара барысында әскери қызметшілер «Экологиялық уәде» интерактивті ойынына қатысты.
Кездесу соңында Қазақстанның өзекті экологиялық мәселелері талқыланды, содан кейін қатысушылар тақырыптық викторина сұрақтарына жауап берді.