Кітапханаларды дамыту бөлімі Ыбырай Алтынсариннің 185 жылдық мерейтойына орай педагогтың идеялары мен мұрасын қазіргі кездің тұрғысынан қарастыруға арналған «Алтынсарин LIFE» шығармашылық байқауы комиссиясының отырысын өткізді.
Кездесу барысында комиссия мүшелері қатысушылар ұсынған жұмыстарды мұқият қарап шығып, идеялардың бір-біріне ұқсамайтынын, тақырыпқа сәйкестігін, орындау сапасы мен шығармашылық тәсілдерін талқылады. Әр жоба өзіндік ерекшелігімен, шынайылығымен және байқау жұмыстарын жауапкершілікпен орындауымен ерекшеленді.
Отырыс қызу талқылау және кәсіби диалог атмосферасында өтті. Қатысушылары жоғары дайындық пен шабыт деңгейін көрсеткен байқауда жеңімпаздарды анықтау оңай болған жоқ.
Байқау қорытындысы «Ыбырай Алтынсарин мұрасы – ұлт руханиятының шамшырағы» облыстық конференцияда жарияланады. Барлық қатысушыларға белсенділігі, таланты және ұлы ағартушының мұрасына деген сүйіспеншілігі үшін алғыс айтамыз!