«Брайльді білгім келеді»
(Брайль бойынша оқу)

Құрметті пайдаланушылар! Көзі көрмейтін және нашар көретін азаматтармен жұмыс бөлімі кітап оқуды ілгерілету және қолжетімді ақпараттық ортаны дамыту бағдарламасы шеңберінде іске асырылатын Брайль жүйесі бойынша оқуды үйретуге арналған «Брайльді білгім келеді» атты онлайн оқытуды ұсынады.
Луи Брайль жүйесі көру қабілеті нашар адамдар үшін оқу мен жазудың бүкіл әлем қабылдаған әмбебап әдісі болып табылады. Онлайн оқыту шеңберінде Брайль қарпін кезең-кезеңімен меңгеруге: әліпбиді, мәтіндерді оқу және жазу принциптерін, сондай-ақ бедерлі-нүктелі қаріпті пайдаланудың негізгі ережелерін үйренуге бағытталған бейнематериалдар ұсынылған.
Онлайн оқыту форматы ыңғайлы уақытта және қолайлы жағдайда білім алуға мүмкіндік береді, бұл курсты тілек білдірген барлық пайдаланушылар – зағип және нашар көретін оқырмандар, кітапхана мамандары және т. б. үшін қолжетімді етеді. https://www.youtube.com/watch?v=7LPlgk7dII4