Л. Н. Толстой атындағы Қостанай облыстық әмбебап ғылыми кітапханасының «Америка бұрышы» АРО-нда халықаралық мерекеге – «Пи күніне» арналған танымдық викторина өтті. Іс-шара математиканы насихаттауға және жастардың нақты ғылымдарға деген қызығушылығын дамытуға бағытталды.
Викторина барысында қатысушылар π санының мәні, оның математикада, ғылымда және күнделікті өмірде қолданылуы туралы сұрақтарға жауап берді, сондай-ақ логикалық тапсырмаларды орындады. Қатысушылар тапқырлық, білімдарлық және командалық рух көрсетті, жауаптарды белсенді талқылап, математика туралы қызықты фактілермен бөлісті.
Викторина қатысушылардың білімдерін тексеріп қана қоймай, сандар әлемі мен ғылымдағы жаңалықтар туралы көп нәрсені білуге мүмкіндік берді.