9 қаңтардан Әмбебап оқу залында Қазақстанның рухани және мәдени дәстүрлеріне арналған «Киелі Қазақстан: рухани дәстүрдің бастауы» атты кітап көрмесі жұмыс істей бастады.
Көрмеде қазақ халқының ұлттық бірегейлігін қалыптастырған қасиетті орындар, тарихи мұралар, мәдени ескерткіштер мен рухани құндылықтар туралы әдебиеттер ұсынылған. Көрмедегі кітаптар мен материалдар елдің рухани өмірінің байлығын, оның қасиетті нысандарының тарихын және қазақ халқының рухани мұраны сақтауға қосқан үлесін көрсетеді.
Барлық тілек білдірушілерді көрмені тамашалауға, Қазақстанның рухани мұрасымен танысуға және ұлттық мәдениет пен дәстүрлердің қазынасынан рухани нәр алуға шақырамыз. Кітап көрмесі жыл бойы жұмыс істейтін болады.