Барлық тілек білдірушілерді Қазақстан Республикасы Президентінің жыл сайынғы ел халқына Жолдауына арналған «Президент Жолдауы: өзгерістер мен нәтижелер» атты жаңартылған көрмеге шақырамыз. Бұл маңызды құжат мемлекет дамуының стратегиялық бағыттарын ашады, әлеуметтік-экономикалық, саяси және мәдени салалардағы негізгі басымдықтарды көрсетеді, сондай-ақ ұзақ мерзімді мақсаттар мен алдағы реформаларды түсінуге көмектеседі.
Көрмеде Президент Жолдауының мемлекеттік және орыс тілдеріндегі мәтіндері, сондай-ақ мемлекеттік саясат пен реформалардың негізгі бағыттарын қамтитын мерзімді басылымдардан алынған жарияланымдар ұсынылған. Көрме елдің реформаларымен және даму жоспарларымен тереңірек танысуға, олардың Қазақстанның болашағы үшін маңызын түсінуге және мемлекеттің стратегиялық бағдарларын бағалауға тамаша мүмкіндік береді.
Барлығыңызды жыл бойы 1-ші қабаттың фойесінде жұмыс істейтін көрмені тамашалауға шақырамыз.