Абонементтер бөлімінің қызметкерлері жазушы, драматург, публицист және қоғам қайраткері Медеу Сапаұлы Сәрсекенің 90 жылдығына орай «Медеу мұрасы ел жадында» атты кітап көрмесін дайындады.
Көрмеде Медеу Сапаұлы Сәрсекенің белгілі шығармалары, мерзімді баспасөзден алынған мақалалар және оның қазақ әдебиеті мен мәдениетін дамытуға қосқан елеулі үлесін көрсететін басқа да материалдар ұсынылған. Көрмені оқырмандарға көрнекті жазушының шығармашылық мұрасы мен қоғамдық жұмысына тереңірек үңілуге мүмкіндік беретін «Көмбе», «Жарылыс», «Қаныш Сәтбаев», «Ермұхан Бекмаханов», «Ебіней Бөкетов» сияқты басылымдар толықтырады.
Ағымдағы жылдың 05-29 қаңтары аралығында жұмыс істейтін көрмені тамашалауға шақырамыз.