Өнер туралы әдебиеттер бөлімінде Халықаралық кино күніне орайластырылған «Сүйікті фильмдер, таныс кадрлар» атты безендірілмелі кітап көрмесі жұмыс істей бастады.
Көрмеде танымал фильмдердің түсірілу тарихы, режиссерлер мен актерлердің өмірбаяны, кино өнерінің даму кезеңдері туралы баяндайтын басылымдар ұсынылған. Көрме әлемдік кино туындыларына жаңаша қарауға мүмкіндік беретін өнердің үздік үлгісі саналатын фильмдердің керемет суреттері мен кадрларын қамтиды.
Көрме сүйікті фильмдерді еске түсіруге, таныс кадрларды басқа қырынан көруге және кинематографияның әлемдік мәдениеттегі маңыздылығын бағалауға мүмкіндік береді.
Барлық кино сүйер қауымды Өнер туралы әдебиеттер бөлімінде күтеміз!