Л. Н. Толстой атындағы Қостанай облыстық әмбебап ғылыми кітапханасының қызметкерлері Мүгедектігі бар адамдарға арналған Қостанай облыстық оңалту орталығында әдеби-музыкалық кеш ұйымдастырып, «Көңіл құсы әсем ән» атты безендірілмелі кітап көрмесін дайындады. Іс-шара композитор Әбілахат Смағұлұлы Еспаевтың туғанына 100 жыл толуына орай ұйымдастырылды.
Қонақтар композитордың шығармашылық жолымен танысып, ол өмір сүрген дәуірдің музыкасын тыңдады, халық әндерінен кәсіби өнердің қалай туатынын, олардың Қазақстанның бай мәдени мұрасына айналатынын көрді.
QR-кодтар көрменің интерактивтілігін қамтамасыз етті. Олардың көмегімен қонақтар бір сәтте Еспаевтың әдемі де әуезді әндерін тыңдауға мүмкіндік алды.